မသာလည်း တ, သာလည်း တ လသော်မှ လူခြေတိတ်ဆိတ် လူနှင့်သတ္တ၀ါတို့အိပ်မောကျချိန် သာထိန်နေချေက လတန်ခိုး တန်ဖိုးပြည့်မရ၊ ဘုန်းကျက်သရေ ဂုဏ်သိန်ကင်းပ အလင်းချသဖြင့် အလဟဿအဖြစ်ဖြင့်သာ အချိန်ကုန်ရရှာသည်။ လူတို့တွင်လည်း အများတို့က အားကိုးတကြီးလိုနေ ချိန်တွင် မိမိ၏ပညာစွမ်းဖြင့် လူတို့၏ နေရာတန်း ၀င်ရောက်မထမ်းပါပဲလျက်က မလိုအပ်ချိန်မှ ၀င်ရောက် လက်ကမ်းပါသော်ကား..လူအများတို့ အားကိုးခြင်း၊ တမ်းတခြင်း၊ ၀ိုင်းဝန်းကာ အမွှန်းတင်ခြင်း၊ ၀င်ရောက် ခိုလှုံခြင်း မခံရတော့သော ကြောင့်..
မည်မျှပင် ဟိတ်ဟန်ထုတ်နေ စေ၊ ထိုဟိတ်ကား ဟိတ်ပုပ်မျှသာ၊ မည်မျှပင် အစွမ်းပြနေစေ၊ ထိုအစွမ်းလည်း အကန်းလမ်းလျှောက်မျှသာ၊ ဘုရင်၏တင့်တယ်ခြင်းသည် အဆောင်အယောင်ကမဟုတ်၊ အခြွေအရံသက်ရှိတို့၏ အသက်သွင်းပေးခြင်းကြောင့်ဆိုသည်ကို မမေ့သင့်။ သို့အတူ..လူယဉ်ကျေး တို့အလယ်၌ ပညာရှိတစ်ဦး၏ ၀င့်ထယ်ခြင်း၊ လူဆိုးဓားပြတို့ အလယ်၌ လူမိုက်တစ်ဦး၏၀င့်ထည် ခြင်း..စသည်များ၌လည်း ထိုထို အသိုင်းအ၀ိုင်းများက အသက်သွင်း ပေးထားသဖြင့်သာ အသက်ဝင်ခြင်း၊ တင့်တယ်ခြင်း၊ ထည်ဝါခြင်းများ ထွန်းကားနေသည်ကို မမေ့သင့်ချေ။ လူမသုံး ဘုန်းမပွင့်၊ လပြည့်လုံး မြူဖုံးလွှမ်းသော် ရောင်မ၀ံ့ မတင့် မတယ်ရာ။
မဟာဗောဓိမြိုင်ဆရာတော်
၂၀၀၂-အောက်တိုဘာလထုတ် နီတိဖြင့်စကားပြောဆိုခြင်း-မှ
မောင်သွေးချွန် ပေးပို့ပူဇော်သည်။
မဟာဗောဓိမြိုင်ဆရာတော် 