အိပ်သူများ ကျားဝမ်းသာ

ဗီဇသတ်္တိမှ ဇ,ပြလျက်ရှိသော ဇာတိမာန်၊ အလှ ဓန ပညာတို့မှ အားပြလျက်ရှိသော ကိလေသာ့မာန်၊ သဒ္ဓါ ဆန္ဒတို့မှ အားပြလျက်ရှိသော နေက္ခမမာန်၊ ထိုမာန်များ လူသားတိုင်းလျှင် တစ်မျိုးမဟုတ် တစ်မျိုးရှိနေကြမြဲသာ။ ထိုစဉ် အထက်မာန်နှစ်မျိုးကား ယုတ်ညံ့သောနေရာ၌ ဖြစ်ရသောကြောင့် ဟိနမာန်၊ အောက်ဆုံးအမျိုးကား မြင့်မြတ်သောနေရာ၌သာ ဖြစ်လေ့ရှိသောကြောင့် ပဏီတမာန်၊ တစ်ဖန် ဇာတိမာန်ကား လူ မဆိုထားဘိ တိရစ်္ဆာန်များပင်ရှိချေ ရာ အများသုံးသော မာန်ပစ္စည်း တည်း။
လောကတွင်းသို့ လူမျိုးတစ်မျိုး တိုင်းပြည်တစ်ပြည် ဘာသာတစ်ခုခု ကိုယ်စားပြုလျက်က ၀င်ရောက်လာ သူ လူမှန်သမျှ ထိုမာန်ကား ရှိကို ရှိရမည်သာ၊ မဟုတ်မခံစိတ်ရှိမှ ဘ၀နှင့်တကွ အစစတိုးတက်သည် ကို သတိပြု၊ ယနေ့ ကမ်္ဘာလည်း တိုင်းပြည်တိုင်း လူမျိုးစုံ၊ ဘာသာစုံ၊ ၀ါဒစုံ အကုန်ရောထွေးလျက်ရှိချေရာ မာန်မနိုးသောလူမျိုး ထီးကျိုးစည် ပေါက် ကျွန်ဘ၀ရောက်ကြရတော့ သည်သာ။
စီးပွားရေးကို ခုန်အုပ်လိုသော ကျားငစဉ်းလဲ၊ ဘာသာရေးကို ခုန်အုပ်လိုသော ကျားငစဉ်းလဲ၊ လူမျိုးရေးကို ခုန်အုပ်လိုသော ကျားငစဉ်းလဲ..ထိုကျားများကား အိပ်နေသူများလေ ၀မ်းသာလေသာ၊ အမျိုးသားရေး စိတ်ဓာတ် မနိုးကြား၊ ကျားစားခံရမည်၊ ဘာသာရေးစိတ်ဓာတ် မနိုးကြား ကျားစားခံရမည်။ တိုင်းချစ်စိတ် ဓာတ်မနိုးကြား ကျားစားခံရမည်။ ဒေါသဖြစ်မှ နိုးခြင်းထက် ဇနိုးနိုးဖို့လိုသည်။ ဇနိုးနိုးခြင်းထက် သတိ အလိမ္မာ ဉာဏ်ပညာနိုး နိုးဖို့လိုသည်။

မဟာဗောဓိမြိုင်ဆရာတော်
၂၀၀၂-အောက်တိုဘာလထုတ် နီတိဖြင့်စကားပြောဆိုခြင်း-မှ
မောင်သွေးချွန် ပေးပို့ပူဇော်သည်။

လက်သီးပုန်း

ပညာရှိတို့၏ ရှုတ်ချလိုရာမှဖြစ်သော အပြုံး..၊ အကြိုက်ကြီးသူတို့၏ မျိုသိပ်ထားသောအကြံ၊ အမုန်း ကြီးသူတို့၏ ကလဲ့စားချေလိုသော အတွင်းကြိတ်..ထိုအားလုံး တပ်အပ်သိ၊ သိရန်မလွယ်ကူချေ၊ သိရန် မလွယ်ကူသလောက်လည်း ခုခံပြင်ဆင်ရန် မလွယ်ကူချေ၊ ကျေနပ်သည်အထိ ရှင်းပြရန်သဘောထား ချင်းကပ်ငြိဖို့ ပြင်ဆင်ထားရန်ကား သာ၍သာ၍ပင် မလွယ်ကူချေ။
ရေအောက်ငုပ်နေသော ငါး၏ သွားရာလမ်း မှန်းဆ၍ ရကောင်းရမည်၊ မိန်းမတို့အတွင်းသဘောနှော ကြည့်က ရကောင်းရမည်၊ ထိုသို့ဆိုခဲ့ပြီးတို့၏ အတွင်းသဘောတို့ကိုကား ပညာရှိလေ ပိရိလေဖြစ်နေ သောကြောင့်လည်းကောင်း၊ အကြံကြီးလေ သိပ်သည်းလေဖြစ်နေသောကြောင့်လည်းကောင်း မည်သို့ မျှ မှန်းဆမရနိုင်။ သို့ကြောင့် တစ်ဇွတ်ထိုးသမားထက် သွေးအေးအေး ကြိတ်ကြံ အတွင်းဆန်သမားကို အထူးဂရုစိုက်ရမည်၊ တစ်ဖန် လူမိုက်ပိရိ အကြံရှိထက် ပညာရှင် အား အထူးနောက် အထူးလိုက်၍ပင် ဂရုစိုက်ရမည်။ အပြုံးလိုက် ကြိုက်၍ချည်းမတင်ရာ၊ ဒုန်းတိုက် တိုက် မိုက်၍ချည်း မထင်မှတ်ရာ။

မဟာဗောဓိမြိုင်ဆရာတော်
၂၀၀၂ ခုနှစ်ထုတ် နီတိနှင့်စကားပြောဆိုခြင်းမှ
မောင်သွေးချွန် ပေးပို့ပူဇော်သည်။

အစစ်အမှန်အောင်နိုင်ခြင်း

သူတစ်ပါးအပေါ် မတရားအောင်နိုင်ခြင်းမှန်သမျှ အပြင်အောင် နိုင်ခြင်း၊ အပြင်အောင်ခြင်းသည် ကြွေးမကင်း ကိုယ်တစ်လှည့် ပြန်ခံရဖို့အကြောင်းတရားဖြစ်သည်။ ကြွေးပြန်ဆပ်တဲ့အချိန်ကျတော့ အတိုးနဲ့အညွန့်နဲ့ အဆပေါင်းများစွာ ပြန်ခံရမယ်။ ဒီတော့ အပြင်မှာ တစ်ခါနိုင်တိုင်း သံသရာမှာ အကြိမ် ကြိမ်ရှုံးရလိမ့်မယ်။ လူတစ်ယောက် ကို ဒုက်္ခပေးလိုက်ရလို့ ကိုယ်က နိုင်ပြီမထင်ပါနဲ့။ ဒါသေက နိုင်သွား တာပါ။ ခိုင်းသလို လုပ်လေ ဒေါသ က ရောင့်တက်လေ။
အပြင်တစ်ခါနိုင်တိုင်း အတွင်း တစ်ခါရှုံး..
ဒီနှုန်းနဲ့ သံသရာခရီးသွားခဲ့ကြလို့ အောက်ရပ်အပါယ်ဘုံတွေမှာ ရေစုန်မျောနေတာ၊ မကြိုက်စိတ် ဒေါသဖြစ်ပေါ်လာချိန် သတိနဲ့သာစောင့်ပြီး အနိုင်သတ်နိုင်ခဲ့ရင် အတွင်းရန် ဒေါသကိုလည်းအောင် ပြီးသား၊ အပြင်ရန်ကိုလည်း အမုန်းပွားစရာ မလိုတော့လို့ အောင်ပြီးသား၊ အတွင်းကိလေသာကို အောင်နိုင်ခြင်းသာလျှင် အစစ်အမှန် အောင်နိုင်ခြင်း..။

မဟာဗောဓိမြိုင်ဆရာတော်
၂၀၀၁-ဖေဖော်ဝါရီထုတ် အစစ်အမှန်တရားစုမှ  မောင်သွေးချွန် ပေးပို့ပူဇော်သည်

ကမ္ဘာ့ကယ်တင်ရှင်ကြီး နှစ်ဦး

မကောင်းမှုတွေကို ဟက်ဟက်ပက်ပက်ပြုတတ်တဲ့ မရှက်ခြင်း မကြောက်ခြင်းတရားနှစ်ပါးရဲ့ ဆန့်ကျင်ဘက်ကတော့ ကမ္ဘာ့သူကောင်းပြုတရားလို့ ဆိုရမယ့် ဟီရိသြတ်္တပ်္ပတရားနှစ်ပါးဖြစ်တယ်။ ဟီရိက ရှက်တာ၊ သြတ်္တပ်္ပက ကြောက်တာ၊ ဘာကိုရှက်ပြီး ဘာကိုကြောက်ရမှာလဲ။ မကောင်းမှုပြုရမှာကို ရှက်ရ ကြောက်ရမှာ၊ ဒါကြောင့် ဟီရိသြတ်္တပ်္ပဆိုတာ သုစရိုက်တရားများရဲ့ ပဲခူးဆားပဲ။
တစ်ဖက်သား အကျိုးများစေ ချင်တယ်၊ ချမ်းသာစေချင်တယ်ဆို ရင် ဒီတရားနှစ်ပါး လက်ကိုင်ထား ကြပါ။ ဒါန သီလ ဘာဝနာ ဘာပဲလုပ်လုပ် ဒီတရားနှစ်ပါးသာ ရှေ့ဆောင်လမ်းပြ၊ ဟီရိသြတ္တပ္ပတရား လက်ကိုင်ထားရင် လူလူချင်း၊ လူမျိုးအချင်းချင်း ဘာသာအချင်းချင်း တိုင်းပြည် အချင်းချင်း.. နှုတ်ဖွင့် လက်ရောက် မပြောနဲ့၊ စိတ်နဲ့တောင် မပြစ်မှားတော့ဘူး။ ဒီလိုပြစ်မှား စော်ကားခြင်းမရှိတော့လျှင် လူတစ်ဦးချင်းကနေ ကမ္ဘာတစ်ဝန်းလုံးအထိ ငြိမ်းချမ်းရေးစကား ကြားနိုင်ကြပါပြီ။ ငြိမ်းချမ်းရေးတရား ထွန်းကားနိုင်ပါပြီ။

မဟာဗောဓိမြိုင်ဆရာတော်
၂၀၀၀ ပြည့်နှစ် ဇန်န၀ါရီလထုတ် အကောင်းဆုံးကို ရအောင်ယူမှ
မောင်သွေးချွန် ပေးပို့ပူဇော်သည်

ကမ္ဘာဖျက်လက်နက်ကြီးနှစ်ခု

လောဘ ဒေါသ မောဟ မာန စတဲ့ ကိလေသာဆယ်ပါးရဲ့ ခေါင်းဆောင်ဟာ “အဟီရိက”လို့ခေါ်တဲ့ အမှန်ကို အမှန်အတိုင်း မသိတော့ လို့ မရှက်မရွံ့နဲ့ မည်းညစ်စေတဲ့ သဘောရယ်၊ “အနောတပ်္ပ”လို့ခေါ် တဲ့ မကြောက်မလန့်နဲ့ မည်းညစ်စေတတ်တဲ့သဘောရယ်..အဲဒီ မရှက်ခြင်းမကြောက်ခြင်းဟာ ကိလေသာ ဆယ်ပါးရဲ့ ပဲခူးဆားပဲ။ ကမ္ဘာလောကကို အကျည်းတန်အောင်လုပ်နေတဲ့ ကမ္ဘာဖျက်လက်နက်ကြီး နှစ်ခုပဲ။ လောကကြီးမှာ ဖြစ်ပွားပြီး၊ ဖြစ်ပွားဆဲ၊ ဖြစ်ပွားအံ့သော ဒုစရိုက်မှန်သမျှ အဲဒီမရှက်ခြင်း၊ မကြောက်ခြင်းရဲ့ လက်ချက်တွေချည်းပဲ။
လူ လူချင်း၊ လူမျိုးအချင်းချင်း ဘာသာအချင်းချင်း၊ တိုင်းပြည် အချင်းချင်း ကျူးကျော်ဖျက်ဆီးမှု မှန်သမျှ “မရှက်ခြင်းမကြောက်ခြင်း” သာ တရားခံအစစ်ဖြစ်တယ်။ မရှက် ခြင်း မကြောက်ခြင်းတရားနှစ်ပါး ဟာ မုန်းငြိုးပြစ်မှား အာဃာတထားတဲ့ သတ္တ၀ါတွေမှာ၊ ကိလေသာအစားစား ၀င်ပူးခံနေရတဲ့ သတ္တ၀ါတွေအပေါ်မှာ ခေါင်းဆောင်လုပ်ပြီး ကမ္ဘာလောကကို ဖျက်ဆီး နေကြတယ်။

မဟာဗောဓိမြိုင်ဆရာတော်
၂၀၀၀ ပြည့်နှစ် ဇန်န၀ါရီလထုတ် အကောင်းဆုံးကို ရအောင်ယူမှ
မောင်သွေးချွန် ပေးပို့ပူဇော်သည်

ဉာဏ်ကောင်းစု ဥတုမတတ်သာ

သတ္တ၀ါတိုင်း ဘ၀ကို ကံစီမံ၊ ခန္ဓာကိုကား ဥတုက ပြုပြင်ခံထားကြရရာ ကံကလည်း မသန်၊ ဥတု ကလည်း ထန်ဦးမည်ဆိုပါက ကံမကောင်း အကြောင်းမလှ အကြား ညပ်ပါသွားတော့သည်သာ၊
အကယ်တိတိ ထိုအတိတ် ပါကံကိုလက်ရှိကံဖြင့် ဖြည့်ဆောင်းဆောင်းပေးရာတွင် ကံကလည်း သမထ၀ိပဿနာ အထွတ်တင်ထားသော ဓမ္မကံဖြစ်နေမည်၊ ထိုဓမ္မကံတို့အကြား အသိဉာဏ်မဂ် ဖိုလ်ဉာဏ်များကပါ ဌာပနာအဖြစ် ပေါက်ဖွားနေဦးမည်ဆိုပါက..
ထိုလူသား ဥတုဘယ်လောက် ထန်ထန် ဥတုဒဏ် မခံရတော့ပါ။ အကယ်တိတိ သည်မျှအထိ ကံအထု ဉာဏ်စုက ဖိအားမရနိုင်သော်မှ ယနေ့ခေတ်ကို တီထွင်ပေးနေကြသော ခေတ်ထမ်းကံနှင့် ခေတ်လွှမ်း ဉာဏ်လောက် တောက်နိုင်ကြလျှင်ပင် ထိုလူသား ခြေမွေးနေမလောင်၊ လက်မွေးနေမလောင်သော ဥတုလက်ရှောင် လူသားဘ၀ လှလှပပကြီး ရောက်ကြရ၊ ရကြရတော့မည်သာ။    ။

မဟာဗောဓိမြိုင်ဆရာတော်
သာရဏီယကထာမှမောင်သွေးချွန် ပေးပို့ပူဇော်သည်

လူပျက်ချင်ပျက်ပစေ လူသက်တော့ မပျက်စေနှင့်

လူ့ဘ၀၏ အမြတ်ဆုံးဥစ္စာကား သဒ္ဓါတရားဟူ၍ဆိုထားရာ လူ့အသက်သည် သဒ္ဓါတရားပင်တည်း၊ လူဟူသည်ကား ကံအကျိုးပေးအရဖြစ်ပေါ်လာသော လူ့ဘ၀လူ့ခန္ဓာပင်တည်း။ ထိုသို့ လူ့ခန္ဓာနှင့် လူသက် နှစ်ချက်ရှိချေရာ လူ့ခန္ဓာ၏အစိတ်အပိုင်းများ ဖောက်ပြန်ပျက်စီးလိုက ပျက်စီးနေစေ၊ လူသက်ခေါ် ယုံကြည်ချက်သဒ္ဓါကား မပျက်စေရာ၊ သဒ္ဓါရှိနေသမျှ လူ့ဂုဏ်သတ်္တိ ဘာမဆို ပြည့်စုံစေနိုင်၏။ သဒ္ဓါမရှိက လူပုံသာရှိ လူ့ဂုဏ်သတ်္တိမရှိတော့ရကား လူ့ဗျုပ်္ပတ်နှင့် လူ့ အတ္ထုပ္ပတ် သရုပ်ဟပ်မိသည်အထိ မပြည့်စုံနိုင်။
လူ့ဗျုပ္ပတ်ကား တလွင့်လွင့် တလူလူ တံခွန်ထူလေအပင့် အထက်သို့ ၀င့်တက်နေသည်ကို ဆိုချေသည်။ လူ့အတ္ထုပ္ပတ်ကား ထိုသို့ တစ်ဆင့်ထက်တစ်ဆင့် မြင့်ထက်မြင့် အလုပ်၌ ယုံကြည်ချက်ထား ကြိုးစားခြင်းကို ဆိုချေသည်။ သို့ကြောင့် သင့်အား တိုက်တွန်းလိုသည်မှာ ပစ္စည်းမွဲလိုက မွဲပါစေ သဒ္ဓါတော့ မမွဲပါလေ နှင့်ဟူ၍ပင်။ ပစ္စည်းမရှိသည်ကား ရှာဖွေလျှင် ရနိုင်သေး၏။ သဒ္ဓါမရှိလျှင်ကား ရှာဖွေဖို့ပင် မဖြစ်နိုင် တော့သောကြောင့်တည်း။ လူပျက်လျှင် ပျက်ပါစေ သဒ္ဓါတော့ မပျက်ပါလေနှင့်၊ လူပျက်သော် ဆေးဝါး တို့နှင့် ကုသပေးရသေး၏၊ သဒ္ဓါပျက်သော်ကား ဆေးဆရာခေါ် ဖို့ပင် မဖြစ်နိုင်တော့သောကြောင့်တည်း။

မဟာဗောဓိမြိုင်ဆရာတော်

၂၀၀၂-အောက်တိုဘာထုတ် သာရဏီယကထာမှ

မောင်သွေးချွန် ပေးပို့ပူဇော်သည်

အပြလောက်အတုခိုး အကျထိအတုမခိုးမိစေနှင့်

ထင်ပေါ်သူတို့၏လုပ်ရပ် လူတိုင်းလျှင် ကြည့်တတ်မြင်တတ်၏။ သို့ကြောင့် ယနေ့ ကာမစံအိမ်တို့ အတွက် ဇိမ်ခံပစ်္စည်းများ တီထွင်ထုတ်လုပ်ပေးတတ်ရာ နိုင်ငံကြီးများ၏ လုပ်ရပ်မှန်သရွေ့ တစ်ကမ်္ဘာလုံး ကပင် မျက်စိကျနေချေ၇ာ အထူးသဖြင့် လူငယ်များ သွေးပူသွမ်းသလောက် ငန်းဖမ်း အဆန်းစုံ အကုန်လိုက်လေ့ရှိကြ၏။ သူတစ်ပါးတို့ တီထွင်ထုတ်လုပ်ထားရာ ပစ္စည်းကိရိယာများဖြင့် အဆန်းစုံ အကုန်လိုက်တုနေခြင်းများသည် သူ့ပစ္စည်း အလကားကြေးဖြင့် ကြော်ငြာပေးနေသည်နှင့်လည်းတူ၏။
သို့ကြောင့် သူတစ်ပါးအတုခိုး သူတစ်ပါးပစ်္စည်းငှားဖြင့် ပွဲတိုးနေခြင်းမှန်သမျှ အလကား အငှားလိုက် ပေးနေခြင်းမျှသာ။ ထိုသို့ အတုပိုက်လျက်က အငှားလိုက်နေခြင်းများတွင် ရုပ်ပြမျှဖြစ်သော အ၀တ်အစား များဖြင့် အတုလုပ်ပြခြင်း၊ သီဆိုတီးမှုတ်မှုအသံဟန်များဖြင့် အတုလုပ်ပြခြင်းလောက်ဆို တော်သေး၏။ လူမပွန်း သွေးမစွန်းသေး၊ အကယ်တိတိ ထိုနိုင်ငံကြီးများ၏ အရှက်အကြောက်မဲ့ဓလေ့မှ ပေါ်ထွန်းလာ သော ကာမမိုက်မှားမှုကြီးကိုပါ ကိုယ်ကြုံပါး၍ အငှားလိုက်မိပါသော်ကား ဖာမရထေးမရသော အမဲ ကွက်ကြီးများ အကွက်လိုက် အကွက်လိုက် စွန်းထင်းမည်ဖြစ်ရကား အရွယ်ကုန်၍ စာရင်းပိတ် မဲပိတ်မျှ ထင်ကျန်နေရစ်မည်၊ နောက်လူတို့ အတုခိုး မဲခိုးမျှ သာ ရလိုက်ချေတော့မည်။

မဟာဗောဓိမြိုင်ဆရာတော်

၂၀၀၂-အောက်တိုဘာထုတ် နီတိဖြင့်စကားပြောဆိုခြင်းမှ  မောင်သွေးချွန် ပေးပို့ပူဇော်သည်

သူကောင်းဖက် သူပျက်ကြားမ၀င် သူယုတ်ကပ် သူမြတ်ဘေးပစင်

ပါပမိတ်နှင့် ကလျာဏမိတ်သည် ရွှေနှင်မစင် ပမာရှိချေရာ.. အကြင်သူသည် ကလျာဏမိတ်ကောင်း သူတော်ကောင်းနှင့်ပေါင်း မိနေလျှင် ထိုသူ့ထံ သူယုတ်မာဝင် မလာ၊ တစ်ဖန် အပြန်အားဖြင့်.. အကြင် သူသည် ပါပစိတ်ဆိုး သူယုတ်မာမျိုးတို့နှင့် ထမ်းပိုးတင် ဦးထမ်းပဲ့ထမ်းအသွင် ယှဉ်တွဲနေပါမူ ထိုသူ့ထံသို့ လည်း သူတော်ကောင်းများ အဝေးကပင် ရှောင်သွားလေရာ၏။
မီးသည် ရေအလွှမ်း အရမ်းကြောက်၏။ ရေသည်လည်း မီးအတောက် သေမလောက်ကြောက်၏။ သည့်ပမာလျှင် သူယုတ်မာ၏ နှလုံးသွေးအလျဉ်သည် သူတော် ကောင်းဓာတ် အဆွဲအငင်မြင်ရုံနှင့် ပင် တန့်နေသောကြောင့်…
တစ်ဖန် သူတော်ကောင်းများ၏ နှလုံးသားများသည်လည်း သူယုတ်မာ၏ ညစ်ညမ်းသော ဓာတ်အဟပ် ဖျပ်ဖျပ်လူး ရိုက်ခတ်နေတတ်သောကြောင့်..
သူတော်ကောင်းရှိရာအရပ် သူယုတ်မာမကပ်၊ သူယုတ်မာနေသောနေရာ သူတော်ကောင်း မလာချေ။ ယနေ့ နေရာများစွာတို့၌ လူအများ အုပ်လိုက်ကျင်းလိုက် အုံဖွဲ့ကာ သွားလာနေထိုင်ကြသော် လည်း ရေချိုငါး ရေငန်အုပ်စုကြား တစ်ကောင်တလေမှ သွားမကျက်စား၊ ရေငန်ငါးလည်း ရေချိုအုပ်စုတွင် တစ်ကောင်တလေမျှမဆင်း၊ ပျော်ပွဲစားနေရာ သူတော်ကောင်း မလာ၊ ဘုရားနား ကျောင်းနား သူယုတ်မာ မကျက်စား။     ။

မဟာဗောဓိမြိုင်ဆရာတော်
၂၀၀၂ အောက်တိုဘာထုတ် နီတိဖြင့် စကားပြောဆိုခြင်းမှ
မောင်သွေးချွန် ပေးပို့ပူဇော်သည်

တရားပျက် လူသက်တက်တက်စင်

တရားဟူသည် သဘာဝ သက်သက်၊ သဘောမျှဟူ၍ အဓိပ်္ပာယ်ထွက်ရာ ဒုက္ခသမုဒယဆောင်းသော မကောင်းသဘောလည်း တရားကြော ပေါလောပါဝင်၏။ မဂ္ဂနိရောဓဆောင်းသော ကောင်းသဘောလည်း တရားကြော ရောနှောပါဝင်၏။
သို့ဖြစ်ရာ
မကောင်းတရားကား အမေ့သိဖြင့် ငြိနေသော တိရစ္ဆာန်သုံးတရားကောင်းတရားသည်သာ မမေ့သိဖြင့် အငြိပယ်ဖျင်သော လူသုံး တရား
ယနေ့ လူ့ဘ၀ ၀င်ခွင့်ရထား သူများ

မမေ့တရား အထားပျက် မေ့ တရားကသာ ကြားစွက်၍ အ၀င်ခံ နေချေသော် တစ်ချက်မေ့ တစ်ကွက် လူသက်ပျက် တိရစ္ဆာန်တို့ဘက် သူ့စိတ်စင် ထွက်သွားတော့သည်။ မေ့လျက်ကသိသောအသိ အငြိထဲ လဲကျ နောက်ထပ် လူဖြစ်ခွင့် မရ တော့သောကြောင့်။        ။

မဟာဗောဓိမြိုင်ဆရာတော်
မောင်သွေးချွန် ပေးပို့ပူဇော်သည်